Sot (e martë) do të mblidhet Kryesia e Kuvendit në orën 15:00, për të diskutuar rreth mbajtjes së seancës plenare për shqyrtimin e Propozim-vendimit të qeverisë për dërgimin e kontingjentit të Forcës së Sigurisë së Kosovës jashtë vendit.

Lajmi është bërë me dije nga Kuvendi i Kosovës.

“Vendi: Salla C-301, ora 15:00. Kërkesa e Kryeministrit të Republikës së Kosovës për mbajtjen e Seancës plenare për shqyrtimin e Propozim-Vendimit të Qeverisë për dërgimin e Kontingjentit të Forcës së Sigurisë së Kosovës jashtë vendit”, ka njoftuar Kuvendi i Kosovës.