![](https://www.epokaere.com/wp-content/uploads/2021/09/9D9968A9-F9D5-4121-AE10-D52056318D17.jpeg)
Kërkohet paraburgim ndaj personit që i shkaktoi lëndime trupore bashkëshortes së tij
28 shtator 2021
| 11:31
Prokuroria Themelore në Gjakovë, ka kërkuar caktimin e masës së paraburgimit nga Gjykata kompetente në Gjakovë, ndaj të pandehurit, S.B., për shkak të dyshimit të bazuar se ka kryer veprën penale “Lëndim i lehtë trupor”.
Prokuroria njofton se, rasti ka ndodhur më 25 shtator 2021, në Gjakovë, pikërisht në shtëpinë e tyre të përbashkët, ku i pandehuri me dashje i shkakton lëndime trupore bashkëshortes së tij, të dëmtuarës, L.B., duke përdorur mjet të fortë.
I pandehuri S.B., fillimisht e ofendon me fjalë të rënda bashkëshorten e tij, e më pas e sulmon fizikisht duke e goditur me kabllo në pjesë të ndryshme të trupit, ku të njëjtës i shkakton lëndime trupore.
I pandehuri me urdhër të prokurorit gjenden në ndalim nga data 26 shtator 2021.