Kryeministri Ramush Haradinaj ka kërkuar të hënën nga ministrat e tij të angazhohen më shumë për obligimet e papërmbushura për Agjendën e Reformave Evropiane që ato t’i përfundojnë me kohë.

Ai ka theksuar se agjenda evropiane është interes strategjik i vendit për faktin se ndërlidhet me liberalizimin e vizave.

“Ministrat duhet të angazhohen që obligimet e papërmbushura për Agjendën e Reformave Evropiane t’i përfundojnë në kohë, duke shtuar të gjitha veprimet e nevojshme”, kështu ka thënë kryeministri Ramush Haradinaj, shkruan “Epoka e re”.