John Kerry, i dërguari i presidentit Joe Biden për klimën, është takuar privatisht me Papa Françeskun.

Pas takimit të së shtunës, Kerry e quajti Papën, “një autoritet moral bindës mbi temën e krizës klimatike” i cili i ka paraprirë situatës.

Ish-sekretari i Shtetit tha për portalin e lajmeve “Vatican News” se shpreson që mbështetja e Papës për çështjet klimatike do të ndikojë tek njerëzit për të arritur objektivat në këtë drejtim.

Kerry po viziton kryeqytetet evropiane për forcuar bashkëpunimin për ndryshimet klimatike para raundit tjetër të bisedimeve të Kombeve të Bashkuara në Glasgow në nëntor.