
Këshilltarja e presidentes, Donika Kadaj i reagon ministrit Murati: Nuk mbyllet Qeveria në orën 16:00
Pas reagimeve të Ministrit të Financave, Hekuran Murati, ndaj kërkesës së Presidentes për pezullimin e tarifave ndaj produkteve amerikane, ka reaguar edhe Këshilltarja e Lartë e Presidentes, Donika Kadaj-Bujupi.
Ajo ka kritikuar ashpër Ministrin Murati për komentet e tij dhe ka theksuar se puna e shtetit nuk mund të kufizohet në oraret zyrtare.
Kadaj-Bujupi e ka cilësuar shqetësim të pabazuar ankesën e Muratit për faktin se Presidentja ka dërguar kërkesën pas orarit të punës. “Po qysh bre, a mbyllet Qeveria në ora 16:00? Kur osht puna për vendime të rëndësishme për shtetin, s’ka orar zyrtar,” ka thënë ajo, duke theksuar se nuk ka asnjë kufizim kohor kur bëhet fjalë për çështje të rëndësishme shtetërore.
Reagimi i saj i plotë:
Ministri i Financave në detyrë qenka anku që Kryeministri ka marrë një shkresë nga Presidentja pas orarit të punës. Po qysh bre, a mbyllet Qeveria në ora 16:00? Kur osht puna për vendime të rëndësishme për shtetin, s’ka orar zyrtar.
Na paska njoftu edhe që prej 2023-ës e paska “shqyrtu” këtë propozim. Paskemi prit boll atëherë! Ama për disa çështje paska kohë me shqyrtu sa të dojë, e për disa tjera s’po ngutët hiç. Për invalidët e luftës, për shembull, iu dasht me u marrë me buxhetin për proteza derisa njerëzit kanë mbet në shtrat, tuj prit për një shtraf… Qenka i shpejtë vetëm kur i konvenon!
E marrëveshjet me Katarin? Një prej aleatëve më të mëdhenj të Amerikës, me potencial të madh për investime? Edhe ato i ke mshelë në sirtar, tu prit mos po shqyrtohen vetë.
E paske thonë që puna e tarifave osht çështje e ekzekutivit. Ama puna e ekzekutivit osht me vepru, jo me të shku mandati tu “shqyrtu”