Kryeministri i Kosovës, Albin Kurti, ka refuzuar t’i përgjigjet pyetjes se a ka qenë pjesë e Ushtrisë Çlirimtare të Kosovës (UÇK).

I pyetur nga gazetarët se a ka qenë pjesë e UÇK-së, Kurti ka thënë se nuk është koha për fushatë zgjedhore, dhe se fushatën do ta bëjnë pas pushimeve verore.

“Sa i përket fushatave zgjedhore, ato do t’i bëjmë pas pushimeve verore, tani jemi për të parë punimet infrastrukturore”, ka thënë Kurti para gazetarëve.

Ndryshe ish-komandanti i Zonës Operative të Llapit, Rrustem Mustafa – “Remi”, në një debat televiziv kishte thënë se Kurtin  e ka pasur bashkëluftëtar në UÇK.

Kjo deklaratë e “Remit” kishte ngjallur debat në opinionin publik.