Të premten dhe të shtunën në Kosovë do të mbajë mot kryesisht i ngjashëm si sot, me intervale me diell dhe vranësira të dendura të cilat herë-herë do të shoqërohen me reshje shiu dhe shkarkime rrufesh, bën të ditur Instituti Hidrometeorologjik i Kosovës.

Temperaturat minimale do të lëvizin ndërmjet 6-8 gradë celsius, ndërsa maksimalet e ditës parashihen të lëvizin ndërmjet 15-18 gradë celsius, njofton IHMK-ja.

Sipas Institutit, do të fryjë erë kryesisht nga veriperëndimi, me shpejtësi 1-8 m/s.