Nga numërimi i votave në 90.41 për qind të vendvotimeve apo 2290 vendvotime të numëruara nga 2533 sa janë gjithsej, nga Lidhja Demokratike e Kosovës, bartësi i listës e kandidati për kryeministër, Lumir Abdixhiku numëron deri tani 109 mijë e 202 vota.

E dyta është Doarsa Kica Xhelili me 44 mijë e 738 vota.

Me 41 mijë e 796 vota në vend të tretë nga radhët e LDK-së, deri tani, del të jetë Hykmete Bajrami. Kujtim Shala renditet në vend të katërt me 37 mijë e 886 vota.

Vendin e pestë e zë deri tani Avdullah Hoti me 30 mijë e 932 vota. Pas tij është Anton Quni me 27 mijë e 292 vota.

Lutfi Haziri renditet i shtati me 27 mijë e 260 vota. Jehona Lushaku-Sadriu ka marrë 22 mijë e 122 vota. Pas tij është Armend Zemaj me 19 mijë e 341 vota. Ndërsa në vend të dhjetë del të jetë deri tani, Imri Ahmeti me 18 mijë e 397 vota.