Lidhja Demokrate e Kosovës (LDK) në zgjedhjet e 14 shkurtit, pa u numëruar ende votat e ardhura me postë, ka marrë 103.507 vota, apo 13 për qind të votave në total, prej të cilave ka siguruar 15 ulëse në Kuvend.

Deri më tani dihen emrat e 12 deputetëve të LDK-së që kanë siguruar vende në Kuvendin e Kosovës.

Në krye të listës (pa votat e diasporës) është Avdullah Hoti, Kujtim Shala, Lumir Abdixhiku, Anton Quni, Armend Zemaj, Ekrem Hyseni, Agim Veliu, Hykmete Bajrami, Arben Gashi, Besian Mustafa, Lirije Kajtazi, Vlora Dumoshi.

Kandidatët për deputet më të votuar nga LDK-ja është Kujtim Shala dhe Lumir Abdixhiku që kanë marrë nga 25 mijë vota, ndërsa Anton Quni 12mijë vota, shkruan “Express”.

Në Qendrën e Numërimit dhe Rezultateve është duke u proceduar me futjen e të dhënave nga formularët e rezultateve të subjekteve politike dhe kandidatëve, të cilat janë plotësuar në vendvotime nga anëtarët e këshillave të vendvotimit në ditën e zgjedhjeve pas numërimit të fletëvotimeve