Gjatë kësaj jave, Kuvendi i Kosovës do t’i mbajë tri seanca parlamentare. Lajmin e ka bërë me dije shefja e grupit parlamentar të Lëvizjes Vetëvendosjes, Mimoza Kusari Lila, pas përfundimit të mbledhjes së Kryesisë.

Kusari-Lila ka thënë se të enjten do të jenë dy seanca, ku në rend dite do të jenë marrëveshjet ndërkombëtare.

“Nga mbledhja e rregullt e Kryesisë me grupeve parlamentare u dakorduam që për këtë jave Kuvendi të mbaj tri seanca plenare. E para është të mërkurën e cila do të vazhdojmë me seancën e papërfunduar. Ditën e enjte seanca e re është në orën 10:00, plotësim-ndryshimet e Kushtetueses sa i përket vetingut. Vazhdon seance tjetër të enjten në ora 10:30, vazhdohet me votimin e marrëveshjeve ndërkombëtare”, ka thënë Kusari-Lila.

E sa i përket marrëveshjeve ndërkombëtare, ka thënë se PDK-ja nuk ka ndryshuar qëndrim.

“Sot është diskutuar shkurt çështja e votimit në seancë të marrëveshjeve ndërkombëtare. LDK-ja dhe AAK-ja do t’i votojnë”, ka thënë ajo.