Shoqata e të Burgosurve Politikë të Kosovës në bashkëpunim me Shoqërinë “Lëvizja” për nder të festave të nëntorit kanë paraparë të bëjnë këto aktivitete në nderim të festave të nëntorit.

SHBPK-ja dhe ‘Lëvizja’, kanë planifikur me datën 27 nëntor me fillim në ora 10:00 të vendosin tufë lulesh te varri i Komandantit Legjendar Adem Jashari në Prekaz në shenjë nderimi për ditëlindjen e tij.

Pas Prekazit do të nderohet dëshmori i kombit, Murat Mehmeti i rënë në demostratat e vitit 1968, duke vendosur lule te pllaka përkujtimore në Prishtinë.

Pasi të vejmë lule te Pllaka Përkujtimore e Murat Mehmetit, vazhdojmë në Velani te Varri i Adem Demaçit për ta nderuar me një tufë lule.

Në ora 13:30 do të bëhet zbulimi i pllakës në familjen e Ismajl dhe Osman Dumoshit për nderë të 55 vjetorit të Demonstratave të vitit ’68!

Në ora 16:00 do të mbahet një Akademi kushtuar Festave të Nëntorit dhe 55 vjetorit të demostratave të vitit 1968, e ku pjesë e organizimit do të jetë edhe Instituti Albanologjik i Kosovës.