Misioni i NATO-s në Kosovë, KFOR, ka mirëpritur vendimin e Qeverisë së Kosovës për tërheqjen për herë të dytë të njësive policore në dhe përreth objekteve komunale në Veri për 25 për qind, pra total 50 për qind.

“KFOR-i mirëpret hapat për të ulur tensionet në Kosovë, duke përfshirë reduktimin e pranisë së Policisë së Kosovës pranë ndërtesave komunale”, thanë nga KFOR-i.

Ndërkaq, ata sqaruan se vlerësimi i fundit i situatës së sigurisë në dhe rreth ndërtesave komunale është bërë nga Policia e Kosovës dhe EULEXI-i, “pa miratimin e KFOR-it”.