![](https://www.epokaere.com/wp-content/uploads/2020/08/3E2DDBF9-9888-4A3D-8C1B-18D2EE4E9157.jpeg)
KFOR-i ndihmon QKUK-në pas kërkesës për ilaç kundër helmimit
05 gusht 2020
| 22:04
Misioni i NATO-s në Kosovë KFOR i ka dalë sot në ndihmë Qendrës Klinike Universitare të Kosovës (QKUK), pasi që kjo e fundit është përballur me mungesë të barit kundër helmimit.
Në një postim në Twitter, thuhet se KFOR-i ka reaguar pas një kërkese urgjente të QKUK-së duke dhuruar pjesë të rezervave të saj të antitrupave kundër helmimit.
“KFOR-i ka reaguar ndaj një kërkese urgjente nga Qendra Klinike Universitare e Kosovës duke dhuruar një pjesë të rezervave të saj të antitrupave shpëtuese të antihelmimit.
Misioni i NATO-s në Kosovë po mbështet gjithashtu në mënyrë të paanshme përgjigjen lokale ndaj COVID-19”, thuhet në njoftim.