KH Besa Famgas ka kompletuar një edicion perfekt duke ia shtuar Kupën e Kosovës trofeut të kampionit që e kishte fituar më herët (të shtatin radhazi).

Besa Famgas në finale të Kupës e mposhti Prishtinën me rezultat të ngushtë, 23:21. Ndërsa në konkurrencën e femrave, Ferizaj e fitoi titullin ku në finale e mposhti Istogu. Ndeshja e parë në Ferizaj u fitua nga skuadra vendase me rezultat 34:29, ndërsa Istogu më pas fitoi me rezultat 27:26, por festa u takoi lojtarëve të Ferizajt.

Vushtrria u shpall fituese e Kupës në hendboll në konkurrencë të femrave, ku në finale e mposhti Istogun me rezultat 22:17. Finalja ishte interesante e cilësore, ndërsa të dyja skuadrat kanë luftuar deri në fund pa kursyer asgjë, por ishin vushtrriaset që shfaqën më shumë dhe fituan finalen e madhe.