Anëtarja e Kryesisë së Lidhjes Demokratike, Doaesa Kica-Xhelili, ka kritikuar pushtetin në dritën e reagimeve nga të gjitha kategoritë për rritjen e pagave.

Ajo i arsyetoi ankesat e sindikatave duke e quajtur “ofendim” vlerën e rritjes së pagave.

Postimi:

Të gjitha kategoritë po reagojnë për “rritjen” e pagës. Natyrisht, sepse ajo nuk është rritje, por ofendim.

Së pari, ofendohen që iu vodh ajo që iu takonte qe 4 vite.

Së dyti, ofendohen që rritja nuk e mbulon as afërsisht vlerën e inflacionit prej 22%.

Së treti, ofendohen që kjo Qeveri, pagën e sektorit publik po e trajton si lloj “favori” me dy këste. Kësti i parë para zgjedhjeve e kësti i dytë pas.

Kjo Qeveri po ua përplasë hundësh paratë që i takojnë, fytyrës, por s’po ua jep prap se prap, fiks para zgjedhjeve, përmes proceseve të kundërligjshme, në vlera mjeruese, e po prisni të mos ketë reagime?

Ndryshimi po vjen!