Kërkesa e partive opozitare që kryeministri Albin Kurti të raportojë në Kuvendin e Kosovës, pas kidnapimit të tre zyrtarëve kufitarë nga forcat serbe, tashmë është plotësuar.

Kurti do të paraqitet në Kuvendin e Kosovës, në seancën plenare, ku do të raportojë për gjendjen në veri dhe për rrëmbimin e policëve kosovarë nga autoritetet e Serbisë.

Kryetari i Kuvendit të Kosovës, Glauk Konjufca, ka bërë me dije se Kurti do të jetë i pranishëm në Kuvend, duke filluar nga ora 17:30, pas zhvillimeve të fundit politike në Kosovë e rajon.

“Kryeministri e ka dhënë njoftimin që do paraqitet në ora 17:30 për diskutimin që u kërkua”, ka thënë Konjufca.