Joshua Kimmich do të jetë kapiten i ardhshëm i Bayern Munchen. Lajmi është bërë i ditur nga bosi i skuadrës së Bayernit, Karl-Hainc Rumenige.

“Ai është rritur shumë si lojtar, por Joshua mbetet sërish një djalosh, edhe pse gjatë këtij sezoni ka luajtur me personalitet të madh. Këto janë shenja që ai mund të jetë kapiteni i ardhshëm i Bayernit. Është një lojtar shumë i rëndësishëm për ne dhe jemi të lumtur që ai luan këtu. Shpresoj që ta mbyllë karrierën në Munchen”, ka deklaruar ai.