Kina ka bllokuar një deklaratë të Këshillit të Sigurimit të OKB-së që dënon grushtin ushtarak në Mianmar. Sipas asaj që raporton Reurters, Kina duket se po sinjalizon mbështetjen e saj nga kontrollit që ushtria tanimë ka marrë në vend.

Qëndrimi i Pekinit mbi situatën është në përputhje me skepticizmin e përgjithshëm të ndërhyrjes ndërkombëtare.  Kina ka paralajmëruar se sanksionet ose presioni ndërkombëtar vetëm do t’i përkeqësojnë gjërat në vend.

Këshilli i Sigurimit të OKB-së ka bërë thirrje që ushtria të respektojë ligjet dhe të drejtat e njeriut dhe të lirojë menjëherë ata që ka ndaluar në mënyrë të paligjshme.

Pushteti i është dorëzuar komandantit të përgjithshëm Min Aung Hlaing. Njëmbëdhjetë ministra dhe deputetë, duke përfshirë atë në ekonomi, shëndetësi, ministrin e Punëve të Brendshme dhe Punët e Jashtme, u zëvendësuan.

Stafi mjekësor në 70 spitale në 30 qytete anembanë Myanmar ndaluan punën për të protestuar kundër grushtit të shtetit që rrëzoi udhëheqësin e zgjedhur Aung San Suu Kyi.

Qindra punonjës të kujdesit shëndetësor, përfshirë mjekë, të moshuar, morën pjesë në “Lëvizjen e Shiritit të Kuq”, të cilët mbanin një fjongo të kuqe për të treguar se ishin kundër grushtit të shtetit. Grupet studentore janë bashkuar gjithashtu në fushatën e mosbindjes civile.

Laureatja e Nobelit për Paqen, Suu Kyi, mbetet në paraburgim pavarësisht thirrjeve ndërkombëtare për lirimin e saj. Sipas asaj që raportojnë mediat ndërkombëtare ajo është mirë me shëndet.

Ndërkaq Fondi Monetar Ndërkombëtar së shpejti do të miratojë një paketë 350 milion dollarë për të ndihmuar qeverinë e Mianmarit teksa po përballet me grushtin e shtetit, si dhe me pandeminë e Covid-19./tvklan/