Zyra e presidentes së Kosovës, Vjosa Osmani, ka treguar për agjendën që presidentja do ta ketë më 12 qershor, në Ditën e Çlirimit.

Fillimisht Osmani do të bëjë homazhe te varri i presidentit të ndjerë, Ibrahim Rugova nga ora 08:30.

Më pas, në orën 08:40, Osmani bën homazhe te varri i veprimtarit Adem Demaçi.

Në orën 09:30 presidentja Osmani bën homazhe në Kompleksin Memorial “Adem Jashari” në Prekaz.

Nga ora 11:00 presidentja Osmani do të bëjë nderim te Pllaka Përkujtimore për ushtarët e NATO-s.

Në orën 18:00 Osmani do të marrë pjesë në pritjen e përbashkët shtetërore për nder të Ditës së Çlirimit.