Ish-trajneri i Chelseat, Thomas Tuchel ka refuzuar stolin e Manchester United për të marrë drejtimin e Anglisë në janar 2025.

Kështu thuhet në një raport nga “The Times”, ku pretendohet se trajneri gjerman ishte opsioni i parë për të marrë vendin e Erik ten Hag në “Old Trafford”.

Trajneri holandez është nën presion, me Manchester United që nuk e ka nisur aspak mirë sezonin. Djajtë e Kuq janë në vendin e 14-të në renditjen e Premier Ligë, pasi kanë regjistruar vetëm tetë pikë në shtatë ndeshjet e tyre të para në kampionat.

Megjithatë, për shkak të pasigurisë se kur Unitedi do të vendoste të largonte Ten Hag, Tuchel vendosi të pranonte ofertën e “Tre Luanëve”.