Fondi i Kursimeve Pensionale ka dalë me datë të saktë se kur do të mund t’i tërheqin paratë kontributdhënësit që kanë aplikuar për tërheqje të kursimeve në vlerë prej 10 për qind.

Nëpërmjet një njoftimi në faqen zyrtare, Trusti ka bërë me dije se për aplikimet që janë kryer prej datës 11 deri më 17 dhjetor, pagesat do të ekzekutohen më 23 dhjetor.

“Të nderuar kontribuues, për aplikimet që janë kryer prej datës 11 deri më 17 dhjetor, ekzekutimi i pagesës së 10-përqindëshit nga Trusti, siç edhe është njoftuar gjatë aplikimit, pritet të bëhet më 23 dhjetor 2020”, ka njoftuar Fondi i Kursimeve Pensionale.