Shërbimi Spitalor Klinik e Universitar i Kosovës (ShSKUK) ka bërë me dije se Klinika Infektive në QKUK dhe spitalet e përgjithshme janë duke vazhduar t’i trajtojnë pacientë me Covid-19, ndonëse në numër shumë më të ulët, krahasuar me muajt e kaluar.

Nga SHSKUK-ja kanë thënë se sipas raporteve nga klinikat Covid-19 dhe spitalet e përgjithshme, në trajtim janë 59 pacientë, 20 prej tyre me oksigjeno-terapi dhe 5 në kujdes intensiv, në gjendje të rënduar shëndetësore.

Numri i pacientëve sipas klinikave Covid-19 dhe spitaleve të përgjithshme:

Klinika Infektive, 9 pacientë

Klinika e Pulmologjisë, 21 pacientë post-Covid-19

Mjekimi Intensiv në Klinikë Infektive, 2 pacientë

Spital i Pejës, 3 pacientë

Spitali i Gjakovës, 11 pacientë

Spitali i Gjilanit, 2 pacientë

Spitali i Mitrovicës, 7 pacientë

Spitali i Ferizajt, 4 pacientë