Të reshurat e lehta të ditëve të fundit në vendin tonë kanë bërë që të ketë një ngirtje të vogël të nivelit të ujit në liqenet akumuluese në Republikën e Kosovës.

Edhe pse niveli i ujit në Liqenin e Batllavës, më saktësisht në fshatin Orllan ku ka shtrirje më të madhe ky liqen, ka rënë ndjeshëm, bëhet e ditur se ka prurje të konsiderueshme të ujit nga lumenjtë prej të cilëve furnizohet ky liqen.

Për këtë bën të ditur edhe faqja e njohur Komuniteti Orllan. ‘Orllani sot , kjo është gjendja e Liqenit. Foto të datës 07.03.2020’, thuhet në një postim të Komunitetit.