Luciano Spalletti është i kënaqur me fitoren e Napolit ndaj Monzas me rezultat 4-0 në fundjavë. Mirëpo, trajneri italian e ka zbuluar një kërkesë që ia ka bërë Amir Rrahmanit, por edhe përforcimit të napolitanëve, Kim Ming-Jae, i cili po luan përkrah qendërmbrojtësit nga Kosova.

“Rrahmani bëri lojë të mirë, njëjtë si Kim. Por, ata të dy duhet të marrin më shumë pjesë në ndërtimin e lojës. Është e nevojshme të futen më shumë në manovra, mund të bëjnë më shumë dhe më mirë. Prej tyre nis gjithçka, aty nis presioni i kundërshtarit”, ka deklaruar Spalletti.