26 persona të infektuar me koronavirus kanë vdekur në 24 orët e fundit. 15 prej viktimave janë burra dhe 11 gra. Ministria e Shëndetësisë (MSh) ka treguar edhe se të çfarë grupmoshash janë viktimat.

Bazuar në infografikën e MSh-së, një prej viktimave i takon grupmoshës 20-29 vjeç, tri viktima janë të grupmoshës 30-39, tri viktima të grupmoshës 50-59, pesë viktima janë të grupmoshës 60-69 vjeç, nëntë viktima të grupmoshës 70-79 vjeç dhe pesë viktima janë të moshës mbi 80-vjeçare.

Rastet e vdekjes janë të regjistruara në komunën e Pejës, Malishevës, Vitisë, Gjilanit, Prishtinës, Prizrenit, Klinës, Ferizajt, Gjakovës, Podujevës, Lipjanit, Skenderajt, Gllogocit, Kamenicës, Rahovecit, Deçanit dhe Vushtrrisë.