Barcelona e ka seriozisht për Neymarin. Mediat katalanase bëjnë me dije se drejtuesit e klubit kanë nisur kontaktet me PSG-në për t’i treguar interesimin rreth sulmuesit brazilian.

Barcelona është e gatshme që të ofrojë 60 milionë euro dhe të përfshirë disa futbollistë të tjerë në këtë operacion. Neymar nuk ka rinovuar ende kontratën me PSG-në dhe dëshira e tij është që të bashkohet me Lionel Mesin.

Diçka të tillë e ka bërë më të besueshme drejtori sportiv Leonardo. Braziliani thotë se asgjë nuk është e sigurt dhe do t’i shohin gjërat me qetësi. “Duhet të shohim gjithçka me qetësi. Unë kam ardhur këtu për të parë ndeshjen e femrave dhe jo për të folur për këto tema”, ka thënë Leonardo.