Ministria e Punëve të Jashtme dhe Diasporës ka bërë me dije përbërjen e grupit punues për anëtarësimin e Kosovës në NATO-s, pas miratimit të vendimit për themelimin e grupit.

Paraprakisht Qeveria e Republikës së Kosovës ka miratuar të mërkurën kërkesën e kësaj ministrie për formimin e këtij grupi.

Grupi punues ndërinstitucional për integrimin e Kosovës në NATO ka këtë përbërje:

Ministrja e Punëve të Jashtme dhe Diasporës, kryesuese

Ministri i Mbrojtjes, anëtar

Ministri i Punëve të Brendshme, anëtar

Ministrja e Drejtësisë, anëtare

Një përfaqësues/e i/e lartë nga zyra e presidentes së Republikës së Kosovës, anëtar/e

Një përfaqësues/e i/e lartë nga zyra e kryeministrit, anëtar/e

Përfaqësuesi i Republikës së Kosovës për marrëdhëniet me NATO nga Ambasada e Republikës së Kosovës në Bruksel, anëtar

Ambasadori i Republikës së Kosovës në Shtetet e Bashkuara të Amerikës, anëtar.