Ish-kampioni i boksit Wladimir Klitschko u ka kërkuar aleatëve të Ukrainës që të ruajnë mbështetjen e tyre luftarake për vendin e tij.

Klitschko është vëllai i boksierit tjetër Vitali Klitschko, tani kryetar i bashkisë së Kievit, dhe që nga fillimi i luftës është shfaqur shpesh në publik për të mbledhur mbështetje për vendin e tij.

Duke folur në një panel në ditën e fundit të konferencës së sigurisë në Mynih, ai tha se Ukraina ishte “plotësisht e varur” nga “të gjithë aleatët e botës së lirë”.

“Ne flasim për demokracinë, por nuk e dimë se si është, dhe është kaq e mrekullueshme”, tha ai. “Pra, ju lutemi vazhdoni të na mbështesni në Ukrainë, sepse ne jemi ju. Dhe ju jeni ne. Nuk ka rëndësi se çfarë është para nesh,  një nga ushtritë më të forta në botë, apo armët, vullneti ynë është i pathyeshëm”.