Trajneri i Liverpoolit, Jurgen Klopp, i kontaktuar nga “Sky Sports” pas shpalljes matematikisht kampion i Premier Ligë u shfaq para kamerës tepër i emocionuar.

“Është e jashtëzakonshme të jesh kampion me këtë ekip. E kam pasur shumë të thjeshtë t’i motivoja lojtarët për shkak të historisë së madhe që ka klubi. Është një arritje e jashtëzakonshme për lojtarët e mi, është gjithçka që ata kanë bërë për tre vitet e fundit”, ka thënë Klopp.

Trajneri gjerman u shfaq në një lidhje të drejtpërdrejtë me legjendën e Liverpoolit, Kennie Dalglish, të cilin e falënderoi për të gjithë mbështetjen që i dha. Përveç kësaj, Klopp u bëri thirrje tifozëve që të festojnë titullin duke respektuar masat dhe të mos dalin në rrugë si të çmendur.

“Shpresoj të qëndroni në shtëpi. Kjo është në zemrat tona dhe në kokat tona. Dilni më së shumti në oborrin e shtëpisë”, ka deklaruar Klopp.