Liverpooli vazhdon të thyejë rekorde në sezonin 2019/20 dhe tani udhëheq në krye të Premierligës me shumë pikë dallim me skuadrën e dytë, por trajneri Jurgen Klopp nuk është i mahnitur, sepse thotë se skuadra e tij nuk është e përkryer, madje nuk është as afër të qenë e tillë.

Të kuqtë kanë qenë pothuajse të pagabueshëm deri tani këtë sezon në ligën elitare angleze, duke i fituar 73 nga 75 pikë të mundshme, apo 24 fitore dhe një barazim në 25 ndeshje deri tani.

“Ne nuk i shikojmë statistikat. Kjo është e vërteta. Para ndeshjes ajo që unë ndiej është shqetësimi. Jam person shumë optimist, por jo para një ndeshje futbolli sepse e di qysh kohë më parë se çdo gjë mund të ndodhë; topi sillet në drejtime të ndryshme. Për shembull, Southamptoni pati shumë goditje në portën tonë, por nuk ia kam idenë sesi Alisson po i mbron këto raste”, ka thënë Kloppi. “Ne nuk jemi të përkryer, bile nuk jemi as afër të qenët të përkryer. Ama neve nuk na bënë të jemi të përkryer, ne vetëm mundohemi ta bëjmë më të mirën dhe t’i përdorim aftësitë tona në mënyrën më të mirë të mundshme”, ka deklaruar Kloppi.