Skuadra e Liverpoolit do të përballët në Ligën e Kampionëve me Manchester Cityn, por kjo nuk e shqetëson aspak trajnerin Jurgen Klopp.

Gjermani ka thënë se mezi e pret përballjen me kryesuesit e Premier Ligës. “Ne kemi humbur një dhe kemi fituar një tjetër ndeshje në kampionat ndaj tyre dhe nuk mendoj se ata besojnë se shorti më i mirë për ta është Liverpooli. Kjo është shenjë për ne se sa të fortë mund të jemi. Ne kemi edhe disa ndeshje deri atëherë, por mezi pres duelin ndaj tyre”, u shpreh Klopp.