Liverpooli mori goditjen e radhës, pasi në “Anfield” u mposht thellë nga Real Madrid (2-5) në Ligën e Kampionëve.

Pavarësisht kësaj humbje, Jurgen Klopp beson te kualifikimi, me trajnerin gjerman që pranon mbrëmjen e dobët, por nuk dëshiron të dorëzohet.

“E nisëm në mënyrë të shkëlqyer, kishim gjithçka që donim, u ndjemë mirë, shënuam dy gola dhe atmosfera ishte e jashtëzakonshme. Më pas ata shënuan çdo gjë u shkatërrua. Goli i dytë i tyre ishte një shuplakë, duhet ta pranojmë, por pas pjesës së parë kam pasur ende ndjenja shumë pozitive. Kjo ishte një goditje e vërtetë. Ne humbëm shumë topa në momentet e gabuara, nuk mbaj mend një pasim për Nunez në pjesën e dytë”, ka thënë Klopp.

“Në fund ua thashë djemve se ishte një goditje e madhe, por një humbje është më e thellë nëse ne nuk mësojmë prej saj. Ne do të mësojmë dhe do të përpiqemi përsëri, ne ende duam të fitojmë në Madrid dhe të kualifikohemi”, ka shtuar Klopp.