Jurgen Klopp ka marrë një rol të ri në Liverpool pasi ka hequr dorë nga mundësia për të bërë një rikthim të shpejtë në menaxhim si shef i USMNT.

Taktikani gjerman ka mbyllur një mbretërim nëntëvjeçar si trajner i “Reds” në fund të sezonit 2023-24.

Ai i ka dhënë një lamtumire emocionale “Anfield”-it pasi ka ndihmuar në grumbullimin e titujve të Premier League dhe Champions League gjatë një periudhe ikonë në Merseyside.

Klopp ka pranuar të bëhet një ambasador nderi i Fondacionit LFC – bamirësia zyrtare e klubit  dhe ka thënë se do të vazhdojë të punojë për një kauzë që ai e mbështeti me gjithë zemër gjatë kohës së tij në Angli.

“Fondacioni LFC bën një punë të jashtëzakonshme në komunitet si në rajonin e qytetit të Liverpool-it dhe më gjerë. Jam vërtet krenar që vazhdoj punën time me ta dhe emërohem ambasadori i parë i nderit i Fondacionit LFC. Mezi pres të shoh se çfarë mund të bëjmë me këtë tani që kam më shumë kohë në dorë”, është shprehur Klopp.