Trajneri i Liverpoolit, Jurgen Klopp, ka folur për BeIN Sports për lojtarët e mëdhenj të botës së futbollit, në veçanti për Mbappe.

“Adhuroj t’i shikoj të luajnë, por nuk do të kisha probleme të punoja me ata në të ardhmen. Mbappe ka një të ardhme të madhe. Mund të flasim edhe për Sanchon, që po tregon talentin e tij, por jam shumë i kënaqur me lojtarët e mi dhe nuk kam menduar për lojtarë të tjerë”, ka thënë Klopp.

“Kur jam te një skuadër, punoj me lojtarët që kam dhe nuk ëndërroj lojtarë të tjerë. Nëse më pas do të vijnë në të ardhmen, të shohim, por do të marrim maksimumin nga situata që kemi”, ka deklaruar Klopp.