Trajneri i Liverpoolit, Jurgen Klopp, e ka cilësuar kundërshtarin e ardhshëm Paris Saint-Germainin si njërin prej favoritëve për ta fituar Ligën e Kampionëve këtë sezon.

Liverpooli është nikoqir i PSG-së në ndeshjen hapëse të sezonit të ri të Ligës së Kampionëve në ndeshjen e cila zhvillohet sonte (e martë) nga ora 21:00.

“Ata janë një nga favoritët e kësaj gare. Jemi të vetëdijshëm për cilësinë e tyre. Luajmë në Anfield dhe kjo mund të jetë një përparësi për ne. Më pëlqejnë këto sfida, por vetëm sepse kam një skuadër vërtet të mirë. Nëse nuk do të isha menaxher, do të shikoja patjetër këtë ndeshje”, ka thënë Kloppi.