Humbja në “El Clasico” me Barcelonën me rezultat 4-0 ka “trazuar ujërat” te skuadra e Real Madridit.

Pavarësisht dallimit në pikë që kanë katalanasit dhe madrilenët, kjo humbje i ka bërë drejtuesit e Realit të mendojnë edhe për stolin e skuadrës që pritet ta kenë në sezonin e ardhshëm.

Sipas asaj që raporton “Marca” “Los Blancos”, me shumë siguri do t’i ndajnë rrugët me Carlo Ancelottin, me Kloppin që është rikthyer në listën e madrilenëve.

Por, trajneri gjerman ka bërë me dije se ai nuk e ka në plan të largohet nga “The Reds” deri në fund të kontratës së tij që skadon në vitin 2024.

Kështu, Real Madridi duhet të bëjë një ofertë të majme te Kloppi, për të tentuar t’ia ndryshojë mendjen. Gjermani më tej kishte shtuar se synim i tij është që të pushonte për rreth një vit dhe më pas të kthehet në zejen e trajnerit.