Trajneri i Liverpoolit, Jurgen Klopp, ka dhënë një përshkrim të situatës së sulmuesit egjiptian Mohamed Salah. “Reds” ka hasur në vështirësi për të rinovuar me yllin e tyre, Salah, i cili në fund të sezonit hyn në vitin e fundit të kontratës.

Klubi anglez i ka bërë disa oferta deri më tani, por palët janë ende larg marrëveshjes dhe Salah mund të largohet nga “Anfield”.

Trajneri i Liverpoolit, Klopp, është pyetur për situatën e kontratës së Salahut dhe nuk ka hezituar ta japë një përshkrim. “Saga e kontratës së Salahut nuk po krijon ndonjë problem. Mo nuk është i tillë. Ai është plotësisht i përkushtuar këtë sezon, pastaj do të flasim për pjesën tjetër – të ardhmen, të menjëhershmen, të mëtejmen. Palët vendimtare janë në kontakt dhe të tjerat do ta shohim”, ka thënë Kloppi.