Beshiktashi nuk e ka ndërmend të heqë dorë nga Ernest Muçi.

Sipas asaj që shkruajnë mediat turke, klubi i njohur ka refuzuar 3.5 milionë euro nga një skuadër e Championship në Angli. Shifra e ofruar është konsideruar tepër e ulët, në krahasim me vlerën reale që ka sulmuesi i Shqipërisë.

23-vjeçari mund të largohet nga Stambolli, në rast të një propozimi, që përmbush pritshmëritë e klubit. Muçi ka luajtur në këtë sezon 11 ndeshje në kampionat, ku ka realizuar 3 gola dhe ka dhuruar një asistim. Për të, ky është sezoni i dytë te Beshiktashi.