Koleksioni i fundit i markës luksoze të modës Balenciaga ka habitur të gjithë. Ai përbëhet nga atlete pothuajse të shkatërruara, të cilat shiten nga 625 dollarë deri në 1850 dollarë.

“Paris Sneaker” quhet koleksioni për të cilin dizajnerët kanë thënë se qëllimi ishte “të krijonin atlete që do të mund të vishen gjatë gjithë jetës”.

Shumë përdorues të mediave sociale që janë njohur me modelet e reja janë shprehur të tmerruar nga dizajni ‘i ri’. Disa prej tyre e quajnë ofenduese për të varfrit, ndërsa të tjerë thonë se me siguri mund të jetë një shaka pasi askush nuk do shpenzonte shuma të tilla parash për të veshur atlete të tilla.

Për momentin atletet Balenciaga mund të blihen vetëm nga blerësit nga Evropa. Ndërsa ata që jetojnë në Shtetet e Bashkuara dhe në Japoni do të mund t’i blejnë ato përkatësisht nga datat 16 dhe 23 maj.