![](https://www.epokaere.com/wp-content/uploads/2018/08/n-euml-merdare-pala-serbe-qytetar-euml-ve-u-k-euml-rkon-nga-100-euro_hd-640x360-640x358.jpg)
Kolonë e gjatë në Merdar dhe te Dheu i Bardhë
02 janar 2021
| 08:16
Mërgimtarët të cilët erdhën në Kosovë për t’i kaluar festat e fundvitit me familjarët e tyre kanë filluar të kthehen në vendet ku jetojnë e punojnë.
Në disa pika kufitare janë krijuar edhe kolona dhe mërgimtarëve po u bie të presin gjatë në kufi. Gjendja më e rënduar është në pikën kufitare në Merdar.
Bazuar në publikimin e Qendrës Kombëtare për Menaxhim Kufitar, mërgimtarët duhet të presin 20-50 minuta për të dalë nga Kosova përmes pikëkalimit kufitar në Merdar. Në këtë pikë kufitare kolona është 300 metra.
Po kaq shumë iu duhet të presin edhe te Dheu i Bardhë. Ndërkohë, pritjet për të hyrë në Kosovë janë nga 3 deri në 5 minuta.