Komandanti i Forcës së Sigurisë së Kosovës (FSK) gjenerallejtënant Bashkim Jashari, ka ndarë medalje të karrierës për nënoficerët e lartë të FSK-së.

Këto medalje janë ndarë për vlerësimin e punës, angazhimin dhe përkushtimin e tyre në ngritjen e standardeve dhe kapaciteteve profesionale të Forcës së Sigurisë së Kosovës.

“Kontributi i Nënoficerëve në ngritjen e korit të nënoficerëve dhe zhvillimin e Forcës me standardet e vendeve të NATO-s, është pikërisht puna dhe angazhimi i pakursyer i nënoficerëve të lartë të FSK-së” ka njoftuar FSK-ja.