Anëtarët e Komisionit për Çështje të Sigurisë dhe Mbrojtjes të Kuvendit të Republikës së Kosovës, po zhvillojnë një vizitë punë në Republikën e Shqipërisë.

Lajmin e ka bërë me dije kryetari i këtij komisioni, deputeti i AAK-së, Bekë Berisha.

Me këtë rast, delegacioni nga Kuvendi i Kosovës ka zhvilluar takime pune me komisionin homolog, atë për Siguri Kombëtare të Kuvendit të Shqipërisë, ndërsa kanë nënshkruar memorandum bashkëpunimi tyre.

Berisha përmes profilit të tij në “Facebook” ka thënë se përveç takimeve me homologë nga Kuvendi i Shqipërisë, deputetët e Kosovës janë pritur në takim edhe nga shefi i shtabit të Ushtrisë Shqiptare, gjeneral Bajram Begaj.