Në ambientet e FFK-së, është mbajtur mbledhja e Komitetit Ekzekutiv të FFK-së ku është diskutuar dhe janë miratuar shumë vendime dhe projekte të rëndësishme për zhvillimin e futbollit në vendin tonë. Kështu ka bërë të ditur i pari i FFK-së, Agim Ademi.

Njoftimi i plotë i Agim Ademit:

Sot, në mbledhjen e Komitetit Ekzekutiv të FFK-së diskutuam dhe miratuam vendime dhe projekte të rëndësishme për zhvillimin e futbollit në vendin tonë.

👉 Pikat kryesore të diskutimit:

✅ Analiza e ndeshjeve të Kombëtareve, me fokus ngjarja e ndodhur në ndeshjen e ndërprerë në Rumani dhe performanca e ekipit.

✅ Performanca e ekipeve kombëtare të grupmoshave dhe ndeshjet miqësore të Kombëtares së femrave.

✅ Ecuria e kampionatit në të gjitha ligat, që po i afrohet përfundimit të stinorit vjeshtor, duke analizuar arritjet dhe sfidat.

👉 Projekte kyçe infrastrukturore:

✅ Vazhdimi i investimeve në Kampin Nacional në Hajvali.

✅ Vazhdimi i projektit të ndërtimit të fushave stërvitore

✅ Fillimi i punimeve në Kampin e Batllavës, për çka i shprehim mirënjohje KFOR-it për mbështetjen në rregullimin e bazës me makinerinë e tyre.

✅ Kampi sportiv në Leposaviq, për një zhvillim gjithëpërfshirës.

✅ Ndërtimi i Shkollës së Mesme të Futbollit në Sllatinë.

✅ Stadiumi i mbuluar për futboll të madh si dhe salla multifunksionale për futsall, basketboll, hendboll, volejboll dhe sporte marciale, kjo e fundit në bashkëpunim me Komunën e Prishtinës.

✅ Ndërtimi i fushës së Lidhjes Rajonale të Futbollit të Prishtinës në Bërnicë.

🔄 Riorganizimi i Lidhjeve Rajonale të Futbollit për të përmirësuar garat dhe zhvillimin e futbollit në të gjitha regjionet e Kosovës.

🏆 Po ashtu, vendosëm edhe për organizimin e ceremonisë “Laureatët e vitit 2024”, si dhe pritjet e fundvitit për gazetarët dhe partnerët tanë, në shenjë falënderimi për mbështetjen e tyre.

🙌 Vazhdojmë me krenari e përgjegjësi për një të ardhme të ndritur për futbollin e Kosovës ⚽🇽🇰

#BashkëPërFutbollin