Një nga kompanitë më të mëdha britanike, BP tha të dielën se ka vendosur të largohet nga 19.75% e aksioneve të saj në gjigantin rus të naftës Rosneft, raporton the Guardian, transmeton Periskopi.

Është një lëvizje e rëndësishme që mund t’i kushtojë kompanisë deri në 25 miliardë dollarë, sipas shifrave në deklaratën e saj.

Shefi Ekzekutiv i BP Bernard Looney, i cili do të largohet nga bordi i Rosneft me Bob Dudley, ish-drejtor ekzekutiv, tha se pushtimi “na bëri që të rimendojmë rrënjësisht pozicionin e BP me Rosneft”.

Ai tha se ishte “thellësisht i tronditur dhe i pikëlluar” nga situata. BP ka zotëruar pothuajse një të pestën e gjigantit të naftës që nga viti 2013 dhe ajo përbënte gjysmën e rezervave të naftës që BP kishte në tokë, kupton Guardian.