Bayern Munchen është kualifikuar në çerekfinale të Ligës së Kampionëve, pasi i fitoi të dyja ndeshjet ndaj Bayer Leverkusen (5-0). Trajneri Vincent Kompany ka thënë se mezi e pret përballjen me kundërshtarin e radhës, Interi.

“Në të vërtetë është një sfidë fantastike, por ka ende disa ndeshje në mes. Të shohim se si do të kthehen lojtarët pas pauzës së kombëtareve, atëherë do të mendojmë për Inter. Ne jemi në këtë turne pasi dëshirojmë të luajmë kundër më të mirëve, mezi po e presim këtë përballje”, u shpreh trajneri i Bayernit.