Bayern Munchen e ka mposhtur me rezultat bindes Hoffenheim (5-0) në “Allianz Arena”. Trajneri Vincent Kompany ka kërkuar që të ruhet ky ritëm edhe në ndeshjet e radhës.

“Jam i lumtur me performancën dhe mentalitetin e treguar nga ekipi. U mbrojtëm në mënyrë agresive dhe zhvilluam një lojë të mirë. Duhet të vazhdojmë kështu. Po tregojmë ndeshje pas ndeshje se jemi të ‘uritur’, pas sezonit zhgënjyes të vitit të shkuar. Duhet të mbajmë këtë ritëm”, ka thënë Kompany. Pas kësaj fitoreje, Bayerni rikthen diferencën në + 4 pikë nga ndjekësi më i afërt, “aspirinat” e Bayer Leverkusen.