Komuna e Deçanit ka ndarë 5 mijë euro për qytetarët që dyshohen se janë helmuar nga uji i pijes.

Kryetari i kësaj komune, Bashkim Ramosaj, ka treguar se ky vendim është marr pas takimit emergjent me anëtarët e Komitetit për Politikë dhe Financa.

“Me propozimin tim, sot kemi mbajtur takim emergjent me anëtarët e Komitetit për Politikë dhe Financa, të cilët unanimisht votuan për  ndarjen e shumës në vlerë prej 5000€, të cilat do të dedikohen për nevojat e terapisë së qytetarëve të cilët po përballen me epideminë e shfaqur ditëve të fundit në komunën e Deçanit!”, ka shkruar Ramosaj në profilin e tij në “Facebook”.