Komuna e Deçanit ndan 77 makina mjelëse për fermerët
Komuna e Deçanit ka ndarë 77 makina mjelëse për fermerët e këtij qyteti.
Ky lajm është bërë me dije nga drejtori i Bujqësisë, Rifat Stojkaj, i cili ka thënë se do të vazhdojnë përkrahja për fermerët.
“Në qeverisjen e kryetarit Ramosaj zhvillimi i bujqësisë dhe përkrahja për fermerët tanë do të jenë top prioritetet tona”, ka shkruar Stojkaj në llogarinë e vet në “Facebook”.
Postimi i plotë i Stojkajt:
77 makina mjelëse për fermerët tanë!
Zotimin tonë se fermerët deçanasë do të jenë prioriteti ynë, sot kemi vazhduar ta jetësojmë.
Së bashku me kryetarin e Komunës së Deçanit z. Bashkim Ramosaj dhe kolegët nga drejtoria e bujqësisë, kemi takuar blegëtorët deçanasë për të cilët kemi ndarë 77 makina mjelëse.
Së shpejti do të vazhdojmë me përkrahje për lavërtarët, në ndarjen e spërkatëseve dhe motokultivatorëve.
Në qeverisjen e kryetarit Ramosaj zhvillimi i bujqësisë dhe përkrahja për fermerët tanë do të jenë top prioritetet tona.
Për bujqësinë në Deçan s’kemi me u ndal!