Komuna e Drenasit është shpërblyer me dy çmime: “Çmimin për arritje në fushën e përfaqësimit të barabartë gjinor në vitin 2018”, si dhe me “Çmimin për performancën më të mirë komunale për vitin 2018”.

Ndarja e çmimeve u bë në Ministrinë e Administrimit të Pushtetit Lokal (MAPL) ku ministrja Adriana Hoxhiq ka ndarë çmimet në një ceremoni solemne.

Çmimet i ka pranuar kryetari i komunës, Ramiz Lladrovci.

Kryetari Lladrovi ka thënë se këto shpërblime janë një tregues i angazhimit të vazhdueshëm të Komunës së Drenasit e cila vazhdon të mbetet promotor dhe shembull i zbatimit të ligjit dhe vlerave demokratike.

/Epoka e re/