Komuna e Prishtinës dhe komuna e Bursës në Turqi vazhdojnë bashkëpunimin
18 gusht 2021
| 16:08
Nënkryetari i Komunës së Prishtinës, Selim Pacolli, ka pritur të mërkurën në takim një delegacion nga Komuna e Bursës së Turqisë, respektivisht kryetarin e kësaj komune, Alinur Aktas, të shoqëruar nga ambasadori i Turqisë në Kosovë, Çagrı Sakar si dhe përfaqësues të parlamentit turk nga Bursa.
Në këtë takim u diskutua për vazhdimin e bashkëpunimit ndërmjet dy komunave duke rikonfirmuar marrëveshjen e vitit 2011, si dhe duke vazhduar punën në avancimin e shkollave profesionale, menaxhimit të hapësirave publike dhe këmbimin kulturor.